Në një konferencë për medie, grupi i asamblistve të Lidhjes Demokratike të Kosovës në Komunën e  Prishtinës,  kanë kritikuar qeverisjen e  Shpend Ahmetit, duke e cilësuar si “të dështuar”.

Agim Gashi asambleist i LDK-së, tha se opozita locale nuk është fajtore për dështimet për projektet në Kodrën e Diellit.

‘’Pozita i ka pesë parti në koalicion dhe ka mundur të votojë. Qeveria e Ahmetit nuk janë duke punuar për hartën zonale edhe pas gjashtë muajve qeverisëse. Roli i dyfysht i kryetarit të komunës në këto momente. Ahmeti tash është bërë pjesë e dialogut për të zhvendosur vëmendjen nga komuna. Angazhimi i tij në dialog është shkelje e dyfisht direkte e dispozitave ligjore,” është shprehur Gashi, raporton arbresh.info.

Ai ka përmendur 11 dështimet e mëdha të Ahmetit, duke e kritikuar praninë e tij në negociatat me Serbinë për normalizim të marrëdhënieve.

“Shpend Ahmeti në vend që të angazhohet për punet e Komunës po shkon në dialog. Ky kryetar për gjashtë vite ka keqëqeverisur dhe në vend se të punoj për të përmbushur zotimet publike ai po zhvendos vemendjen e opinionit publik nga problemet reale nën masken e interesit vital. Ahmeti  ishte dashur të përcaktohet se cilin post do të deshiron ta mbaj.  Ne kemi nxjerrur edhe 11 deshtimet më të mdha që i ka pasur qeverisja e Shpend Ahmetit”, deklaroi Gashi.

Ahmeti, njëherit edhe lider i Partisë Socialdemokrate, rishtazi është votuar nga Parlamenti për të bashkëkryesuar negociatat e ndërmjetësuara nga Brukseli zyrtarë./arbresh.info/